Cərrah mama-ginekoloq — Bakı
Dr. Vüsalə Rüstəmova
cərrah mama-ginekoloq
Riskli hamiləliklərin təqibi, doğuş və ginekoloji cərrahiyyə. Hər qərar müayinədən sonra, sizinlə birlikdə verilir.
Baku Medical Plaza — Medilux filialı — Kral Hüseyn küçəsi 66B, Nərimanov rayonu, Bakı
- Azərbaycan Tibb Universiteti məzunu, 2011
- Mama-ginekologiya üzrə rezidentura, ATU, 2012–2017
- Həkim mütəxəssis mama-ginekoloq
- Baku Medical Plaza — Medilux filialı, Bakı
Haradan başlamaq
Sizi nə narahat edir?
Çoxu şikayətlə gəlir, xidmətin adı ilə yox. Vəziyyətinizə ən yaxın olanı seçin — sizi uyğun bölməyə yönləndirim.
Fəaliyyət sahələri
Qadın sağlamlığının bütün mərhələləri
Hamiləlikdən əvvəlki dövrdən doğuşdan sonrakı dövrə qədər — araşdırma, təqib və cərrahi müalicə.
Hamiləliyin təqibi və riskli hamiləlik
İlk həftələrdən doğuşa qədər müntəzəm nəzarət. Preeklampsiya riski, təkrarlanan itkilər və çapıqlı uşaqlıq kimi hallarda daha sıx izləmə.
Ətraflı 02Təbii doğuş və keysəriyyə
Doğuş üsulu hamiləliyin gedişinə, ananın və körpənin vəziyyətinə görə birlikdə müəyyənləşdirilir.
Ətraflı 03Sonsuzluğun müayinə və müalicəsi
Səbəbin addım-addım araşdırılması, uşaqlıq borularının qiymətləndirilməsi və nəticəyə uyğun müalicə planı.
Ətraflı 04Ginekoloji cərrahiyyə
Laparoskopiya, histeroskopiya və açıq əməliyyatlar. Mümkün olan hallarda orqanqoruyucu yanaşma üstün tutulur.
Ətraflı 05Ginekoloji müayinə və skrininq
Baxış, güzgü müayinəsi, Pap-smear və ultrasəs. İllik profilaktik nəzarət və uşaqlıq boynu skrininqi.
Ətraflı 06Qadın xəstəlikləri
Uşaqlıq mioması, yumurtalıq kistaları, endometrioz və uşaqlıq qanaxmaları — nə vaxt izləmək, nə vaxt müdaxilə etmək lazımdır.
Ətraflı
Həkim haqqında
Kimə etibar edirsiniz?
Azərbaycan Tibb Universitetini 2011-ci ildə bitirmişəm. 2012–2017-ci illərdə ATU-nun II Mama-Ginekologiya kafedrasında rezidentura keçərək həkim mütəxəssis mama-ginekoloq dərəcəsi almışam.
5 saylı doğum evi və ATU Tədris Cərrahiyyə Klinikasından sonra 2017-ci ildən cərrah mama-ginekoloq kimi çalışıram. Hazırda Baku Medical Plaza — Medilux filialı ünvanında qəbul edirəm.
- Üç elmi seminarda məruzəçi — uşaqlıq boynu xəstəlikləri, adəti düşüklər, dölün ultrasəs diaqnostikası
- XIV Türk-Alman Jinekoloji Konqresi və menopauza, endometrioz üzrə konfranslar
- Analıq məktəbində və televiziyada maarifləndirmə çıxışları
Cərrahi təcrübə
Əməliyyatxanada
Cərrah mama-ginekoloq kimi qapalı və açıq ginekoloji əməliyyatları özüm icra edirəm. Üsul törəmənin növündən, ölçüsündən və yerləşməsindən asılı olaraq seçilir — qapalı üsul çox halda üstün tutulur, lakin bəzi vəziyyətlərdə açıq əməliyyat daha təhlükəsizdir.
- Laparoskopik və histeroskopik əməliyyatlar
- Kistektomiya, mioma cərrahiyyəsi, polipektomiya
- Uşaqlıqdankənar hamiləlikdə orqanqoruyucu müdaxilə
- Keysəriyyə və doğuşun aparılması
Yanaşma
Necə işləyirəm
Əvvəlcə dinləmək
Müayinə şikayətin, hamiləlik və doğuş tarixçəsinin, əvvəlki analiz və əməliyyatların dinlənilməsi ilə başlayır. Qərar bundan sonra verilir.
Müayinəni yarımçıq buraxmamaq
Ultrasəs təkbaşına hər şeyi göstərmir. Uşaqlıq boynundakı dəyişikliklər güzgü müayinəsi və Pap-smear olmadan görünmür — buna görə müayinə tam aparılır.
Mümkün olanda orqanı qorumaq
Sonsuzluq və uşaqlıqdankənar hamiləlik hallarında məqsəd reproduktiv funksiyanı qorumaqdır. Qərar əməliyyat zamanı tapılan vəziyyətdən asılıdır.
Qəbul necə keçir
İlk qəbula gəlməzdən əvvəl
Nə gözlədiyinizi bilmək müraciəti asanlaşdırır.
-
Qəbula yazılın
WhatsApp və ya zəng vasitəsilə sizin üçün uyğun vaxtı razılaşdırırıq.
-
Şikayətinizi danışın
Müayinə söhbətlə başlayır: şikayət, hamiləlik və doğuş tarixçəsi, əvvəlki analiz və əməliyyatlar.
-
Müayinə və ultrasəs
Baxış, güzgü müayinəsi və ultrasəs. Lazım olduqda analiz və əlavə müayinələr planlaşdırılır.
-
Plan və növbəti addım
Nəticələr izah olunur, variantlar birlikdə müzakirə edilir və nəzarət vaxtı təyin olunur.
Özünüzlə gətirin
Əvvəlki analiz və ultrasəs nəticələri · əməliyyat çıxarışları · qəbul etdiyiniz dərmanların siyahısı · son aybaşının başlama tarixi.
Suallar
Qəbuldan əvvəl ən çox soruşulanlar
Qəbula necə yazıla bilərəm?
+994 51 700 51 00 nömrəsinə zəng edərək və ya WhatsApp vasitəsilə yaza bilərsiniz. Qəbul saatları əvvəlcədən razılaşdırılır.
Harada qəbul edirsiniz?
Baku Medical Plaza — Medilux filialı ünvanında — Kral Hüseyn küçəsi 66B, Nərimanov rayonu, Bakı. Ən yaxın metro Gənclikdir.
Qəbula özümlə nə gətirməliyəm?
Əvvəlki analiz və ultrasəs nəticələrini, əməliyyat çıxarışlarını, qəbul etdiyiniz dərmanların siyahısını və son aybaşının başlama tarixini.
Hamiləliyi öyrənən kimi nə etməliyəm?
İlk qəbula yazılın. İlk müayinədə tarixçə götürülür, ultrasəs aparılır və analizlər planlaşdırılır. Erkən həftələrdə vaginal ultrasəs təhlükəsizdir və düşüyə səbəb olmur.
Nə vaxt sonsuzluq müayinəsinə başlamaq lazımdır?
Bir il müntəzəm və qorunmasız cinsi həyata baxmayaraq hamiləlik olmursa. 35 yaşdan yuxarıdırsınızsa — altı ay sonra.
Faydalı məlumatlar
Həkim izahları
Qəbulda təkrarlanan mövzuların yazılı izahı.
İkili test riskli çıxdı — bu nə deməkdir?
Skrininq diaqnoz qoymur, ehtimalı hesablayır. Növbəti addım nədir.
Oxu 02Histerosalpinqoqrafiya (boru filmi)
Necə aparılır, tsiklin hansı günündə edilir, nəticə necə oxunur.
Oxu 03Spiral aybaşının neçənci günü qoyulur?
UDV-nin üstünlükləri, riskləri və ən uyğun qoyulma vaxtı.
OxuRəylər
Xəstə rəyləri
Qəbulda olmusunuzsa, təcrübənizi bölüşməyiniz digər xanımlara həkim seçimində kömək edir.
Ünvan
Harada qəbul edirəm
- Klinika Baku Medical Plaza — Medilux filialı Kral Hüseyn küçəsi 66B, Nərimanov rayonu, Bakı · Ən yaxın metro: Gənclik
- Qəbul və WhatsApp +994 51 700 51 00
- İş rejimi Klinika 24/7 Qəbul saatlarım əvvəlcədən razılaşdırılır.
Yenilənib: